Dağlarda döyüş (məzmun və səssiz fraqment - doğru cavab)

Dağlarda döyüş. Yəqin ki filmi, diqqətlə izləmisiz. İndi sizə, filmdən bir epizod təqdim ediləcək. Diqqətlə izləyib,obrazların nə dediklərini, yadınıza salmağa çalışın. Film haqda məlumatdan sonra,doğru cavabı da görə bilərsiniz. Özünüzü yoxlamaq istəyirsinizsə, buyurun.

24 Kadr verilişinə qoşulmaq üçün, hər həftənin çərşənbə axşamı, saat 18:30-da, CTV-ni izləyin.

Filmin məzmunu:

Hərbi-vətənpərvərlik filmində sərhədçilərin adi, gündəlik fəaliyyətlərindən, sərhəddə sayıq durmalarından, çətin, lakin şərəfli vəzifələrindən danışılır. Valideyn məhəbbəti ilə vətənə, vəzifə borcuna sədaqətin qarşılıqlı olması, amma vətənin hər şeydən uca tutulması filmin əsas qayəsidir.

Filmdə II Dünya müharibəsində əsir düşənlərin yaralı şəraitdə düşmən əlinə keçməsinə baxmayaraq vətənə qayıtdıqdan sonra repressiya qurbanı olmalarından və onların faciəli aqibətindən də söhbət açılır. Daha ətraflı məlumat üçün, bu linkə daxil olun.

Səssiz fraqmentin doğru cavabı:

Ata: Sizin zastavanın yanındakı, o viranə kənddənəm. Orda mənim evim vardı,ailəm vardı. Bir oğlum vardı. Yaxşı yadımdadır, dizimin üstə çıxıb,saçlarımı qarışdırardı. Sonra soruşardı. “Alnına nolub ata?” Deyərdim, şeytan balası cırmaqlayıb. Bax.

Oğul: Yalandır. Yalan deyirsən. Yalan deyirsən. Mənim atam ölüb. Mənim atam ölüb.